ധര്‍മപുരി


dharmapuri

ദളിതന്‍റെ ദൈവങ്ങളെപ്പോലുമിന്നവര്‍ ചുട്ടെരിച്ചൂ
കനിവേതുമില്ലാതെ..
കല്ലാണ് കല്ലാണിതെന്നാര്‍ത്ത് ..
അങ്ങേ തലക്കലേക്കാഞ്ഞെറിഞ്ഞു

ആണ്ടുകള്‍ ആണ്ടുകള്‍ ആണ്ടാണ്ടിരുന്ന്
നൂര്‍ത്തെടുത്തോരെന്‍റെ ജീവിതം
ആ കല്ലേല്‍ അടിച്ചു തകര്‍ത്തെറിഞ്ഞു

അടിമയായീടണം അറവു മൃഗവുമായീടണം
നിന്‍റെ  ഇഷ്ടതിനിഷ്ടതിനോത്ത്‌ ജീവിക്കണം
ഇന്നലെ സായന്തനത്തിലെന്‍ മുറ്റത്തിരുന്നു
ചായ  കുടിച്ചവന്‍
കറണ്ടു പോയപ്പോളിത്തിരി  മണ്ണെണ്ണ
കടം കൊണ്ടവന്‍
ജീവന് വേണ്ടി ഞാന്‍ രക്തം കൊടുത്തവന്‍
സംഘമായ്  വന്നെന്‍റെ വീടിന്‍
നേടും തൂണെടുത്തവര്‍
പഴകി തുരുമ്പിച്ചോരെന്‍ സ്വപ്‌നങ്ങള്‍ പോലും
കുടഞ്ഞിട്ടു കത്തിച്ചു ചാമ്പലും തട്ടിയോര്‍

നിങ്ങള്‍ കാക്കുക

കത്തിക്കരിഞ്ഞു ചാമ്പലായോരെന്‍
പ്രണയത്തില്‍ നിന്നും പിറവിയെടുത്തവര്‍
എന്‍റെ കുഞ്ഞുങ്ങള്‍
അവരൊക്കെ  കറുത്തവര്‍
ദളിതരെന്നു  നെറ്റിയില്‍
പച്ചകുത്തിയോര്‍
അവര്‍ വരും
ദൈവങ്ങള്‍ കൂട്ടിനില്ലെങ്കിലും
അവര്‍ വരും
കൊടുംകാറ്റായി
മഴയായി
സൂര്യവെളിച്ചമായ്
എന്നെ ചുട്ടെരിക്കാന്‍ വച്ച  കൊള്ളികള്‍ പോലും
പോരാതെ  പോകും
അവര്‍ വരും

കാത്തിരിക്കുക നിന്‍റെ കോട്ട കൊത്തളങ്ങളില്‍

ചുവരുകളില്ലാത്ത കോട്ടകള്‍ക്കുള്ളിലൂടഭയമില്ലാതെ നീ  അലയും
ആഭിജാത്യത്തിന്‍റെ പെരും നുണകളില്‍ നീ ഉരുകി ഒലിച്ചന്നലയും

കരുതി വയ്ക്കട്ടെ ഞാന്‍ ഈ ചാമ്പലൊക്കെയും
ഒരു പുതിയ പുലരിക്കു വേണ്ടി
അതിരുകളില്ലാത്ത സൗഹൃദം പുലരുന്ന
ഒരു പുതിയ പുലരിക്കു വേണ്ടി

http://caste-violence.wikispaces.com/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s